* حاجه تنرفز *

هو فيه شعب تاني غيرنا بيعملوا الإحصائيات دي عليه ولا إيه يا جدعان ؟؟
متهيألي إن اللي يشتري جرنال "الأهرام" ده تاني بعد كده يبقى يستحق يقعد على أكبر هرم فيهم

أنا متأكد إن حتى الزعيم الرئيس/ محمد حسني مبارك قائد أول طلعة جوية فتحت باب الحرية، بحكمته المباركة وبصيرته السديدة والحاجات دي كلها ... إلخ إلخ مستحيل هو نفسه يرضى بالكلام ده

حاجه تنرفز صحيح

ولا إنتوا إيه رأيكم ؟؟

* أنا مش بحبك *

أنا مش بحبك..

ولا دُبت فيكي.

ولا قلبي عاشقك..

وحيموت عليكي.

ولا نفسي دايما تكوني معايا..

ولا نفسي أشوفك..

وأبص ف عنيكي.

ولا نفسي أضمك لحضني تَـمَلَّي..

ولا نفسي أخلِّي..

إديا ف إديكي.

ولا انتي ف بالي..

وساكنه خيالي..

ولا مالكه عقلي..

ودايما ناسيكي.

ولا بتلهميني بأحلى قصايدي..

ولا نفسي أهدي ديواني إليكي.

ولا كل ليله بشوفك ف حلمي..

ولا حلمي إني أعيش بس ليكي.

ولا حتى سحرك مشقلب كياني..

ولا البدر دايما مفكرني بيكي.

***

ولو يوم يعدي وماشفتكيش..

مابيهمنيش.

ولا ازعل واعيط..

ولا احس إني مابقدرش اعيش.

ولا احس إن الـحياه ماتساويش.

ولا احس إن القصايد ف غيرك كلام خنتريش.

ولو حد قالك عليا "بيكدب"..

قوليلو "بتكدب" وماتصدقيش.

وإنشالله يارب لو كنت بكدب..

إلهي وجاهي ألاقيكي جنبي..

شريكتي ف حياتي وماتبعديش.

ودي حاجه طبْعا مابتمنهاش..

ولو تعرضيها عليا بنفسك..

حقولك بلاش..

فإوعي تحاولي ومتفكريش.

وخليكي عارفه.. وماتأخذنيش..

وجودك ماهواش بيفرق معايا..

ولا بُعدي عنك بداية النهايه..

وحُسنك ماهواش حكاية وآيه..

ولا نفسي قلبك يـجاوب ندايا..

شعوري تجاهك حبيبتي مفيش.

وكلمة "حبيبتي" دي زلة لسان..

وملهاش علاقه بـحاجه ف قلبي مـخبيها عنك بقالي زمان..

ماتتلككيش.

سبيني ف حالي..

أفكر ليالي..

واشوف ليه عيونك مابيشدونيش !!!

***

شعر / سالم صلاح سالم

* نبضات *

(1)

منذ أن أحسستُ عطركِ..

لستُ أَشْهَدُنِي أنا.

كل آمالي تلاشت..

فيكِ لَخَّصْتُ المُنَى.

فاقتليني إن هويتي..

ولْتقولي..

مَاتَ من دُوني.. فَـنَى.

(2)

أنا قد صرت مجنونك..

أنا الصحراء من دونك..

بحبك صرت بستانا.

فأنتي حَـبُّ أزهاري..

وأنتي كل أمطاري..

وإن العين من حولي..

ترى فُلاً وريحانا.

فَظَلِّي هاهنا جنبي..

فذنبي لم يكن ذنبي..

وهاكي هاهو قلبي..

تعلم حينما عانى.

فلن ينطق.. ولن أسمح..

لذاك القلب أن يفصح..

سأجعله.. طوال العمر ندمانا.

وأسجنه .. فإني صرتُ سجانا.

فمعذرةً إذا أخطأ..

وإن أخطأتُ سيدتي..

فإني كنتُ إنسانا.

(3)

يا زهرتي نجم السما..

قد صرت فيك متيما.

أهوى وجودك مثلما..

تهوى الطيورُ العالمَ.

نهوى الحريرَ الناعمَ.

فلتعذريني كُلَّما..

طرق الفؤادُ ديارَكم..

فأنا أحبك مُرْغَما.

***

شعر/ سالم صلاح سالم

* فقط إليكِ *

إليكي -زهرتي- أهدي كلامي واعتذاراتي
وأيامي وأحلامي وآمالاً جميلاتِ
فلا تقسي ولا تُـقصي فؤادي عنكِ يا ذاتي
وسوف أكون تابعكي .. أعاملكي كمولاتي
أيا حباً تقاسمني بكائي وابتساماتي
أيا حباً تسامحنى إذا زادت حماقاتي
وتسعدني .. وفي حزني تشاركني بآهاتي
وترشدني .. وأحسبها شموساً فى سماواتي
أجيبيني .. فطياتي تناديكي بطياتي
أكان العيب في صدقي .. فكان الصدق مأساتي ؟!
أكان العيب في كوني .. أصارحكي بحالاتي ؟!
أكان العيب في كوني .. أجنبكى غباءاتي ؟!
أكان العيب في كوني .. أداعبكى بأبياتي ؟!
أجيبيني .. أفي شِعري ؟. أفى كثرة شعاراتي ؟!
أجيبيني أريحيني .. فقد نفدت خياراتي
وتلك قصيدتي تبكي تقاسمني جراحاتي
تحلفكي بأحزاني بنيراني بأناتي
لكى لا تبعدي عني .. فأفنى بين دمعاتي

***

شعر/ سالم صلاح سالم

من ديوان "دعيني أحبك"